講到氣酒，第一時間最多人會諗起法國香檳、其次係意大利 Prosecco；至於西班牙氣酒，有人會叫佢做「西班牙香檳」—如果你身處60年代嘅話，呢個叫法其實無錯⋯
但西班牙氣酒喺70年代起，已經被正名為 「Cava」。Cava 相比意大利 Prosecco 更加接近香檳嘅風格，因為 Cava 同香檳一樣係用上傳統釀造方法 (Methode Traditionelle/Método Tradicional) 造酒，喺瓶內進行二次發酵。能夠稱之為香檳嘅酒，必須產自法國香檳產區 (Champagne)，至於 Cava，就有高達 95％ 嘅酒產自由 Cava 產區覆蓋嘅加泰隆尼亞 (Catalunya)，主要產於巴塞隆拿附近一帶。
其實早喺 1851 年，加泰隆尼亞就已經首次釀造氣酒，而 Cava 嘅起源可 以追溯到 1860 年代。當時一位加泰釀酒師 Josep Raventós 正喺歐洲各地推廣 Codorníu 酒莊出產嘅葡萄酒。當 Raventós 游歷到法國香檳產區，佢受到香檳傳統釀造方法啟發，認為西班牙葡萄酒可以借鑑，釀造出品質不輸香檳嘅傳統氣酒。19世紀後期，根瘤蚜蟲肆虐歐洲，摧毀咗歐洲大部分葡萄園。當時主要種植黑葡萄嘅加泰 Penedès 產區，由於葡萄藤受到根瘤蚜蟲嚴重摧毀，Raventós 重新種植咗白葡萄藤取代原有品種。直到1872年，佢就成功釀造出西班牙第一款傳統氣酒。
Cava採用傳統方法釀造，同時都會套用上西班牙嘅陳釀級別：
- 入門級的 Cava 必須將酒渣置放於瓶內陳釀至少 9 個月
- Reserva 級別必須陳釀至少 18 個月
- Gran Reserva 級別必須陳釀至少 30 個月。
傳統嘅Cava葡萄品種包括三種當地原生葡萄：Macabeo、Xarel·lo 和 Parellada；三種葡萄結合了優雅的芳香、良好的結構同抗氧化特性。如果你已經對香檳 Chardonnay、Pinot Noir, Pinot Meunier 厭倦嘅話，相信 Cava 一定能為你帶來另一種清新的傳統氣酒體驗。至於粉紅酒 Rosado (Rosé)，最經典係由加泰極罕有嘅原生黑葡萄 Trepat 釀造，而部分酒款都會用上西班牙常見 Garnacha 同 Monastrell。
Cava 嘅甜度，大多數屬於偏 Dry 類，甜度極低，好適合新時代人口味。大部分Cava 糖含量，主要為最Dry嘅三種：
- Brut Nature (低於 3g/l，不添加糖)
- Extra Brut (介於 0~6g/l 之間)
- Brut (低於 12g/l)
同香檳相比，Cava ，果香、花香變得更為明顯，烘烤麵包味道比較細膩。因為 Cava 產區主要屬於地中海氣候，沿海地區較溫暖，內陸地區因海拔較高 (800 米以上) 而稍微涼爽。喺呢種氣候下，葡萄比香檳產區成熟之餘、更加可以完美保留芳香。基於呢種特性，Cava 喺當中幾乎唔會添加糖分，又或者只會極少量添加，以更加突顯風土同葡萄自身嘅香氣。
如果您有興趣品嚐西班牙傳統氣酒 Cava，感受佢同香檳不同之處，請去下面留言區嘅連結睇睇。
#Cava #Cava汽酒 #Cava氣酒 #Cava氣泡酒 #Cava起泡酒 #西班牙汽酒 #西班牙氣泡酒 #西班牙氣酒 #西班牙香檳 #西班牙prosecco #香檳 #Sparklingwine #西班牙sparkling #西班牙 #西班牙酒 #西班牙葡萄酒 #sparkingwine #西班牙Cava氣酒 #陳年分級 #甜度分級 #Macabeo #Xarello #Parellada #3分鐘學酒 #學酒 #酒知識 #Brut #BrutNature #ExtraBrut #Champagne