講到優質嘅白酒，最主流嘅白葡萄品種有Chardonnay、Sauvignon Blanc，當然亦唔少得Riesling。普遍人都會認爲Riesling係甜白酒，而其實佢可塑性非常高，可以產出多種甜度，由完全唔甜到極甜嘅白酒都有，分級嘅細緻度不下於臺式奶茶嘅甜度。
Riesling最早嘅歷史可以追溯到15世紀嘅德國，去到16世紀中期，已經喺Rhein同Mosel河畔地區廣泛種植。而喺鄰近德國嘅法國Alsace地區，作爲法國唯一允許種植Riesling嘅產區，亦都喺17世紀初，開始有相闗文獻記載。直到現代，德國仍然是全球最大的Riesling生產國，主要遍佈喺德法邊界嘅Mosel、Rheingau、Pfalz地區。而喺德國以外，除左法國Alsace，喺奧地利 (Wachau)、澳洲(Clare Valley / Eden Valley) 同埋美國 (Washington State)都有盛產Riesling嘅產區。
Prädikatswein：由德國出產最優質嘅Riesling白酒，酒標上都會見到 Prädikatswein呢個字，即係特優產區酒。 Prädikatswein屬於德國葡萄酒嘅頂級水平，禁止人工額外添加糖份，而標籤上都會按照葡萄果實嘅含糖量，明確標示酒嘅甜度級別，由低至高可以分為：Kabinett（珍藏）、Spätlese（晚摘）、Auslese（精選）、Beerenauslese（BA／逐粒精選）、Eiswein（冰酒）、Trockenbeerenauslese（TBA / 貴腐逐粒精選）。
Kabinett：雖然葡萄含糖量相對為最低，但其實已經係由完全成熟嘅葡萄釀製，佢嘅酒體最輕盈、果香清新、酸度最高，甜度通常都係微甜。而釀酒師亦可以選擇將殘留糖分充分發酵，釀造出Trocken，即係Dry，唔甜嘅酒。
Spätlese：意思係Late Harvest，晚摘。葡萄喺完全成熟嘅大約2個星期后先至採收，所以會更加成熟，甜度更高、果味更濃 。 相傳喺 1775 年喺Rheingau嘅一個酒莊，因爲信差遲了14日，先將親王主教嘅採摘批准令送達，當時嗰批葡萄已經發咗霉，酒莊為免浪費，只好繼續採收葡萄然后釀酒。但喺誤打誤撞之下，發現由遲了14日採摘嘅葡萄釀造嘅酒，味道冇變壞之餘，仲異常地甜美。自此之後，晚摘葡萄酒就開始出現。另外，Spätlese同Kabinett一樣都可以通過將糖分充分發酵，釀出Trocken，唔甜嘅酒。
Auslese：意思係精選、採摘，由非常成熟、經手工挑選嘅葡萄製成，天然含糖度更加高。
Beerenauslese：字面意思係漿果、精選、採摘。由獨立挑選的過熟嘅葡萄釀製而成，葡萄通常已經受到貴腐菌(Noble Rot)感染，可釀製出非常甜嘅酒。
Einswine：即係Ice wine，冰酒。葡萄喺冬天攝氏7度以下喺藤上面結霜，採摘後直接榨汁，釀造出非常濃縮嘅酒。糖含量要求最少達到 Beerenauslese水平。Einswine嘅葡萄唔需要受到貴腐菌感染。
最甜嘅Trockenbeerenauslese： – 意思是係乾澀、漿果、精選、採摘，精選由貴腐菌充分感染，并且過熟而枯萎嘅葡萄釀製嘅酒。 要注意嘅係，呢度嘅 “Trocken” 指脱水嘅葡萄果乾，同一般標注Trocken嘅酒意思係相反，佢嘅甜度已經達到極緻。
了解完6個甜度分級之後，如果想快速識別一支Riesling嘅甜度，其實只需要留意酒精度就夠。如果酒精度較高，喺10%以上，糖分比較充分發酵轉化為酒精，通常都無咁甜。如果酒精度較低，喺6 - 9.5%之間，保留左葡萄汁入面較多嘅糖分，通常都比較甜。
如果您有興趣品嚐德國Prädikatswein特優產區Riesling Kabinett 同 Spätlese，歡迎嚟到 Fino Vino 購買來自德國酒莊 Weingut Leitz 嘅區Riesling白酒！