從日本漫畫《神之水滴》，認識意大利中部著名酒莊Velenosi
《神之水滴》係一部由2004年開始連載，講述葡萄酒嘅漫畫。後來由漫畫改篇拍成同名劇集《神之水滴》，由山下智久同法國演員Fleur Geffrier主演，喺2023年4月開始播出。
原著漫畫嘅第4卷提到，喺一場法意葡萄酒比賽當中，人稱「意大利長介」嘅本間長介最後拎出咗一支佢形容為好似太陽一樣嘅葡萄酒，Roggio del Filare。主角神咲雫飲咗一啖，合埋眼之後，即刻感覺到置身於一片向日葵田之中，沐浴喺燦爛嘅太陽光底下，直到夕陽徐徐沉下，感受到令人懷念嘅鄉愁、豐盛同華麗，具體啲仲有Plum、朱古力、炒過嘅果仁香味、乾草、丁香嘅香料，有種將呢堆材料濃縮埋一齊嘅複雜感，係一支無論去到邊度都想追上去，令人懷念嘅酒。
神咲雫忍唔住話：本間先生，我— 鍾意呢支酒啊！
呢支 Roggio del Filare，直到今日，仍係Velenosi酒莊獲獎無數嘅冠軍級紅酒，用上意大利獨有嘅葡萄品種混釀，70% Montepulciano，30% Sangiovese。這款酒喺深秋採摘，然後經歷長達40日嘅浸漬期，分開喺法國新桶陳釀。喺陳釀18個月之後，Montepulciano同Sangiovese兩種葡萄再次結合入樽，成為Roggio del Filare。這款酒多次獲得高分評價同含金量極高嘅獎項，難怪《神之水滴》裏面飲過嘅人都對佢讚不絕口。
Velenosi酒莊喺1984年，由Angela Velenosi和她的丈夫Ercole共同創立。起初，佢哋面臨住好多困難，冇家庭支持、缺乏葡萄酒業經驗、資金有限，但佢哋堅持不懈，憑住 “Il vino è per noi un'arte capace di far sognare” （葡萄酒係一門可以令人追夢嘅藝術）呢個信念，最終酒莊成功喺Le Marche地區打響名堂。
Velenosi酒莊位於意大利中部Le Marche地區，擁有壯麗嘅山脈同延綿180公里嘅海岸線，幾百條河流貫穿當地嘅山區，流入阿得里亞海，為釀製葡萄酒帶嚟優厚嘅條件。夏季白天非常炎熱，夜間受到巴爾幹半島嘅冷風影響，創造出強烈嘅溫差，對葡萄藤非常有利。
另外，冬天嘅降雪為土壤創造水源，有利於夏天葡萄生長。時至今日，Velenosi已經擁有145公頃的葡萄園，70%葡萄酒出口到50幾個國家，其餘30%喺意大利國內分銷。
除咗Roggio del Filare以外，Velenosi嘅葡葡酒仲有幾款酒都有佢獨特嘅魅力。 譬如有Prope、Ninfa，仲有DOCG級別嘅Ludi同Villa Angela。Prope紅酒由100% Montepulciano釀造，以果味主導，充滿車厘子、士多啤梨、紅莓、雲呢拿、肉荳蔻香氣，仲有少許咖啡、煙草、甘草嘅風味。
Ninfa：以女神Ninfa命名嘅紅酒，是一款多品種混釀葡萄酒，融合了Cabernet Sauvignon、Merlot、Syrah和Montepulciano，標籤上展現咗女神Ninfa喺熱情奔放嘅舞蹈當中，代表了活力和自由。Ninfa喺意大利權威酒評家Luca Maroni手上得到99分嘅超高分，絕對係一支優質潛力股。
Ludi：Velenosi唯一一支紅酒属DOCG級別，由低產量老藤葡萄釀造，混釀咗Montepulciano、Cabernet Sauvignon和Merlot，經過長時間嘅控溫發酵，喺中度烘烤法國新桶陳釀24個月，帶黑莓、黑加侖子、黑車厘子、甘草嘅香氣。同Roggio一樣多年嚟喺意大利被評為最頂級嘅葡葡酒之一。相對於意國風情比較濃厚嘅Roggio，Ludi走嘅係國際風，廣受全球專業酒友嘅推崇。
Villa Angela Pecorino：同樣为DOCG級數，仲有呢一支白酒以莊主Angela命名嘅Villa Angela Pecorino，係100% Pecorino 白葡萄釀造，具有獨特嘅香蕉、菠蘿、蘋果同鼠尾草香氣，係一款值得細味嘅白酒。
如果您有興趣品嚐《神之水滴》入面深受眾人好評，嚟自意大利酒莊Velenosi嘅酒，歡迎嚟到 Fino Vino 購買！