【自然酒】真正原味葡萄酒 | 低干預、無過濾、無添加 | 野生酵母 | 生物動力法

發表於 17.12.2023 | 增加於 FinoVino部落格

近年經常被提及嘅自然酒

自從21世紀開始，自然酒風潮逐漸興起，隨著大眾對葡萄酒嘅認知不斷提高，市場亦都逐漸擴大，越嚟越多釀酒師反而開始捨棄繁複嘅釀酒工序，轉而投入去釀造最原始嘅自然酒，以最純粹嘅方式展現葡萄園和產區嘅獨特風土，真實地傳達葡萄酒嘅個性。

同一般葡萄酒相比，自然酒回歸最原始嘅釀造方式，完全由大自然主宰葡萄酒嘅發展。整個釀酒過程只涉及最低程度嘅人為干預，由葡萄皮上面同周遭環境嘅野生酵母自然發酵，無過濾，無添加，亦都唔使用任何技術改變葡萄酒嘅酸度或者糖分，通常都唔會用橡木桶去陳釀，以保留自然風味。

除咗自然酒，我們都經常聽到有葡萄酒標榜為有機或使用生物動力法去生產，而呢三種葡萄酒造法涉及嘅標準略有不同。

有機酒：

需要確保喺葡萄嘅種植過程中未使用任何化學品。包括唔用除草劑和殺蟲劑，唔用合成肥料種植葡萄。需要注意嘅係，雖然所有自然酒都屬於有機，但並唔係所有有機葡萄酒都可以被視為自然酒。

生物動力法酒：

概念源自奧地利哲學家Rudolf Steiner（1861-1925）嘅「生物動力農法」。呢種方法強調結合生物多樣性，遵從自然法則以保持生態平衡；同時，根據月亮週期，調整種植同採收嘅時機（類似東方嘅農曆），將葡萄園本身構建成為一個可持續發展嘅葡萄酒生產系統。

自然酒：

可以由有機或者生物動力法種植嘅葡萄製成，務求呈現葡萄嘅自然野性同原始風味。所以，釀酒師喺自然酒裏面嘅角色只係陪伴住葡萄酒，釀製過程中干預極少。部分傳統酒莊堅持手工採摘葡萄，腳踏葡萄破皮榨汁，然後等待野生酵母自然完成發酵過程。發酵之後，葡萄酒會放置一段時間，唔經人工過濾，等待自我淨化，只係剩餘少量嘅自然沉澱物，然後釀酒師再入樽。

二氧化硫含量：一般葡萄酒喺釀製過程中都需要添加二氧化硫，用於抗氧化、殺菌從而穩定酒質；至於自然酒，發酵過程唔可以使用二氧化硫，但允許喺入樽之前加入極少量，如果有添加二氧化硫，酒標上會註明（含亞硫酸鹽 Contains Sulphites）。一般嚟講，自然酒嘅二氧化硫添加量極低，大約爲一般葡萄酒添加量嘅十分之一。

自然酒類別：自然酒其實只係一個類別嘅統稱，喺保持低干預嘅同時，釀酒師仍然可以用唔同嘅風格去造酒。自然氣酒亦叫做 Pét-Nat，源自法文嘅 Pétillant naturel。Pet-Nat 喺未完成一次發酵嘅時候就入樽，再任由樽內嘅野生酵母繼續發酵（同傳統氣酒嘅方法唔同，唔添加糖同埋酵母，亦唔進行二次發酵）。自然紅酒，顧名思義，就係用低干預、無過濾、無添加嘅釀製方法直接釀造嘅紅酒。至於自然橙酒，就係用上自然紅酒嘅方法，由白葡萄汁同白葡萄皮核接觸而製成。

自然酒嘅風味充滿咗無限嘅可能性。相對於常見嘅工業化葡萄酒，自然酒以低干預、無過濾、無添加嘅釀製方式，呈現更加真實、簡單同埋充滿活力嘅個性。每一啖自然酒都可以直接感受到產區葡萄嘅本性同葡萄園嘅風土，係真正嘅原味葡萄酒。

如果您有興趣品嚐自然葡萄酒，又或者生物動力法釀造的葡萄酒，歡迎嚟到 Fino Vino 購買！

如果您鍾意今集嘅內容，歡迎入去Youtube Subscribe我哋嘅 Channel，咁就唔會錯過Fino Vino更多關於葡萄酒嘅精彩內容分享。下集再見！

____________________

【NAT自然酒套裝】QR07 QUINTA DA RAZA - NAT WHITE-ORANGE-RED 2022

- 優惠價： $399（自然氣酒、自然紅酒、自然橙酒各1支）

https://www.finovino.com.hk/index.php?route=product/product&product_id=708&search=QR07

____________________

【PET-NAT自然氣酒】QR04 QUINTA DA RAZA - PET-NAT WHITE 2022

https://www.finovino.com.hk/index.php?route=product/product&product_id=710&search=QR04

【RED-NAT自然紅酒】QR05 QUINTA DA RAZA - TINTO-NAT 2022

https://www.finovino.com.hk/index.php?route=product/product&product_id=711&search=QR05