西班牙國家葡萄酒打吡？DOQ vs DOCa
Priorat係加泰隆尼亞嘅頂級產區，同享負盛名嘅Rioja并列為西班牙僅有嘅兩個法定優質產區 (DOCa/DOQ)。DOCa係西班牙文，DOQ就係加泰語，兩者同屬西班牙最頂尖級別嘅產區。加泰隆尼亞政府喺 2000 年批准將Priorat由DO升格為DOQ，但直至2009年7月6日先至正式獲得馬德里西班牙政府嘅國家級確認，認可佢同Rioja DOCa具有相等嘅地位。
Priorat產區面積非常細小，位於Barcelona以西100公里，相對遠離咗地中海，位於Tarragona內陸地區，屬於溫暖大陸型氣候，夏季炎熱、降雨量低。Priorat大部分葡萄園都位於陡峭嘅山坡上，主要嘅土壤類型係加泰隆尼亞特有嘅Llicorella，由一堆3億5千萬年前嘅火山紅板岩同雲母碎石組成，反射陽光同時保留熱力，並且可以鎖住水份，而清涼嘅夜間溫度可以稍微緩解白天嘅炎熱。
Priorat盛產優質紅酒，最主要係由兩大葡萄品種混釀，佢地就係Garnacha同Cariñena。西班牙文或者加泰語嘅Garnacha/Garnatxa，即係法文嘅Grenache，係同一款葡萄（歌海娜），比較早熟，可以釀出高酒精度嘅紅酒。西班牙文或者加泰語嘅Cariñena/Carinyena，即係法文嘅Carignan，亦都係同一款葡萄（佳麗釀），色澤偏深、高酸、高丹寧。佢哋通常o係80年甚至上百年嘅老藤上生長。當葡萄藤年紀越大，產量會越少，每年葡萄產量非常低，同等嘅養分由好少量嘅葡萄攤分，結果產出嘅葡萄非常成熟，風味凝聚而集中，混合釀造出嚟嘅紅酒色澤深沉，酒體結構豐滿，酒精度亦相對高，帶有芳香濃郁嘅黑色水果味，同埋伴隨法國新桶帶嚟嘅烘烤味、摩卡同黑朱古力味。層次豐富，味道複雜而優雅。
Prioriat嘅葡萄園用上珍貴嘅老藤，低產量，高品質，加上因為陡峭嘅山坡需要人手採摘葡萄，喺多重條件嘅影響之下，Priorat嘅葡萄酒生產成本相比西班牙其他產區較高。
喺Priorat裏面，有一座標誌性嘅山，叫做Bellmunt（意思：Beautiful Mountain）。呢座山構成咗當地山頂酒莊Mas d'en Gil嘅輪廓。
Mas d'en Gil葡萄酒莊園建於1867年，Licorella紅板岩土壤直接受益於東南面嘅Garbinada海風，有效調節夏季下午溫度，幫助葡萄喺炎熱天氣下吸收成熟過程所需嘅水分，賦予咗葡萄酒獨特嘅味道同香氣。另外，自2008年起，Mas d'en Gil酒莊引入咗生物動力法，亦都積極推動可持續發展，同時葡萄酒確保100%有機生產，配合佢獨一無二嘅風土，生產嘅葡萄酒每一款都係精緻、優雅嘅經典之作。
如果您有興趣品嚐嚟自加泰Priorat產區Mas d'en Gil酒莊嘅珍貴老藤紅酒，可以去下面連結訂購！
Mas d’en Gil, DOQ Priorat MAS D'EN GIL COMA VELLA 2013 https://www.finovino.com.hk/index.php?route=product/product&product_id=615&search=MD02
MAS D'EN GIL CLOS FONTA 2014 https://www.finovino.com.hk/index.php?route=product/product&product_id=616&search=MD03
MAS D'EN GIL NUS 2015 https://www.finovino.com.hk/index.php?route=product/product&product_id=618&search=MD05
#輝盛酒業 #FinoVino #葡萄酒 #加泰 #加泰隆尼亞 #西班牙 #Spain #Wine #紅酒 #白酒 #氣泡酒