對於Michel Rolland呢個名，相信有飲開酒嘅大家都唔陌生，佢係法國乃至係全球最具影響力嘅釀酒師之一。佢喺幾十年間參與過無數嘅釀酒項目，佢嘅葡萄酒作品遍佈全球各地，除咗喺200多間酒莊擔任釀酒顧問之外，佢自己都有經營酒莊，對於全世界嘅現代釀酒風格有一定嘅影響力。
Rolland釀造嘅酒經常以口感豐富、果味濃郁、橡木桶味突出見稱。而對於呢個講法，佢就話：「我嘅目標係釀造出好飲、適合大眾飲用、令人愉悅嘅葡萄酒。」「當然，釀酒風格取決於土壤、氣候同埋世界各地唔同地區嘅葡萄品種。所以，並冇一種叫做Michel Rolland嘅風格。」
喺2010年起，Rolland參與咗一個創新項目，以「France meets Spain」作為切入點，同佢嘅好朋友，西班牙葡萄酒企業家Javier Galarreta合作，推出咗一個佢地形容為「風土主導」嘅品牌—Rolland Galarreta，簡稱R&G，以兩人姓氏共同命名。R&G作爲Rolland首個有份以佢個人命名嘅西班牙葡萄酒品牌，主要出產年輕酒款，旨在以簡單釀製方式，造出充分展現產區特色、同時性價比高嘅葡萄酒。
Rolland表示，R&G每一款酒透過Galarreta引導下，無論喺葡萄種植、採收、釀酒各個方面都好成功保留到每個地區嘅風土特色，完全符合兩人對「風土主導」嘅共同期望。
R&G嘅葡萄園位於西班牙中部，葡萄酒主要嚟至三個極具代表性嘅西班牙產區，紅酒嚟至Rioja同Ribera del Duero，主要種植葡萄係國寶級葡萄Tempranillo，生長喺相對貧瘠嘅岩石土壤上面，隨處可見50年或以上老藤。白酒嚟至Rueda，主要種植嘅葡萄係當地最經典嘅傳統品種Verdejo。
R&G嘅酒，採用「光學葡萄篩選機」(Optical Grape Sorter)，量度葡萄嘅密度、重量同體積等指標，然後篩選同保留最優質嘅葡萄，融合一系列嘅簡單釀製技術，更加突顯產區葡萄嘅優良本性同葡萄園嘅風土。
如果您有興趣品嚐R&G Rolland Galarreta呢個「France meets Spain」系列嘅酒，可以去下面連結訂購！